اسلام آباد (نیوز ڈیسک) سینئر صحافی و کالمنگار ایاز امیر کا کہنا ہے کہ پچھلے دو سالوں کو اگر دیکھا جائے تو پاکستان کی سیاست صورتحال بدل چکی ہے، تحریک انصاف اور وزیر اعظم کی کارکردگی بُری رہی جس سے دونوں کی ساکھ متاثر ہوئی ہے یا ہوچکی ہے۔
تفصیلات کے پطابق اپنے کالم میں ایاز امیر تحریر کرتے ہیں کہ اگر پاکستان میں کل ہی الیکشن کا انعقاد کیا جائے تو پنجاب میں پیپلز پارٹی کے لیے بھی ایک نیا موقع بن رہا ہے، پیپلز پارٹی کے لیے موجودہ صورتحال وہ نہیں ہوگی جو پچھلے کئی سالوں سے تھی، جتنے بھی ن لیگ کے مخالف تھے وہ تحریک انصاف میں شامل ہوگئے تھے یا اس کے حامی بن گئے تھے۔
ایاز امیر نے مزید تحریر کیا کہ اب آئندہ الیکشن میں موجودہ حکمرانوں کی کوشش صرف یہی ہوگی کہ ان پر کسی برح بھی تحریک انصاف کا ٹھپہ لگے اور نہ ہی کوئی عمران خان کی جماعت کی ٹکٹ حاصل کرنا چاہے گا، یہی حال عوام کو ہے کیونکہ وہ مہنگائی سے اتنے تنگ آ چکے ہیں کہ انکی کوشش ہوگی کسی کو بھی ووٹ دے دو مگر عمران خان کو نہ دو۔
ایاز میر کے مطابق گزشتہ انتخابات میں جو لوگ بھی پیپلز پارٹی کو خیر باد کہہ کر تحریک انصاف کی جانب گئے تھے اسکی وجہ صرف یہی تھی کہ پیپلز پارٹی کا ٹکٹ پنجاب میں انہیں الیکٹ نہیں کروا سکتا تھا، لیکن گزشتہ انتخابات میں جس صورتحال کا سامنا پیپلز پارٹی کو کرنا پڑا وہی صورتحال آئندہ انتخابات میں تحریک انصاف کے لیے بنتی جا رہی ہے۔
Credits HassanNisar.pk
