گاڑیاں بنانے والی کمپنی ایم جی کی پاکستان آمد، آتے ہی ہنڈا اور ٹویوٹا کو پیچھے چھوڑ دیا

اسلام آباد (مانیٹرنگ ڈیسک) برطانیہ کی کار ساز کمپنی موریس گیرجز نے گزشتہ ہفتے ایچ ایس کراس اوور ایس یووی کو پاکستان میں لانچ کرنے کے اعلان کے ساتھ ایڈوانس بکنگ کا آغاز کیا تھا، ایم جی کمپنی کی اس گاڑی کو اتنی زیادہ پذیرائی حاصلہوئی ہے کہ ایڈوانس بکنگ کا نیا ریکارڈ بن گیا ہے، ایم جی کمپنی کی اس گاڑی کی قیمت 55 لاکھ رکھی گئی ہے اور اب تک اس گاڑی کے دس ہزار سے زائد آرڈر حاصل ہو چکے ہیں جو کسی بھی گاڑی کی پیشگی بکنگ کا ریکارڈ ہے۔ رپورٹ میں کہا گیا ہے کہ

ٹویوٹا اور ہنڈا کمپنی کی اکتوبر 2020 تک مجموعی طور پر جتنی گاڑیاں فروخت ہوئی ہیں ایڈوانس بکنگ کے یہ آرڈر اس سے بھی زیادہ ہیں، ایم جی کمپنی کی یہ گاڑی 1.5 لٹر 4 سلنڈر ٹربو چارجڈ پٹرول انجن رکھتی ہے جو 162 ہارس پاور کی طاقت پیدا کرتا ہے، 6 سپیڈ ڈوئل کلچ آٹومیٹنگ ٹرانسمیشن گاڑی کی تعارفی تقریب دسمبر 2020 میں منعقد کی جائے گی۔