()
نیئربخاری نے کہا کہ ایک منتخب جمہوری وزیراعظم کو برخراست کیا گیا، مارشلا نافذ کیا گیا، پیپلز پارٹی نے آمریت کے خلاف جنگ لڑی ہے، آج کی جمہوریت اور جمہوری پارلیمانی نظام تسلسل میں پیپلزپارٹی کا بڑا ہاتھ ہے۔
نیئر بخاری نے کہا کہ خیبرپختونخوا کو شناخت پیپلزپارٹی نے دی، موجودہ انتخابات تمام سیاسی جماعتوں کیلئے سوالیہ نشان ہے، کے پی میں 43 نشستیں اس جماعت کو دی گئیں جس کی کارکردگی پوری قوم کےسامنے ہے، ہم چاروں صوبوں میں نمائندگی کرتے ہیں، جب تک وفاق مضبوط نہیں ہوگا، اکائیاں مضبوط نہیں ہوں گی، صوبائی خودمختاری بھی پیپلزپارٹی کا کارنامہ ہے، حکومت اور اپوزیشن کو قومی ذمہ داری پوری کرنا ہوگی، مسائل کا حل مذاکرات ہیں، سیاست ایسی نہیں چلتی کہ میں نے بات نہیں کرنی، مودی سے تو بات کرتا تھا لیکن پاکستانی سیاست دانوں سے نہیں۔ نیئر بخاری نے کہا کہ جو شخص اپنی پارٹی رجسڑڈ نہ کراسکا وہ ملک کیا چلائیں گے، پارٹی کا انتخابی نشان حاصل کرنے میں ناکام رہنے والا نااہل پارٹی کو بےنشان کر گیا ۔
Credits Urdu Points