کسی ادارے، جرنیل یا قاضی کو حق نہیں کہ ہمارے فیصلے کرے

اسلام آباد ( اردوپوائنٹ اخبارتازہ ترین ۔ یکم مارچ 2024ء) سنی اتحاد کونسل کے جنید اکبر نے کہاہے کہ کسی ادارے، جرنیل یا قاضی کو حق نہیں کہ ہمارے فیصلے کرے، جو کہتے عمران خان کا نام لینے والا کوئی نہیں ہوگا، کراس لگادیا، ہم وہ کراس مٹا کر آگئے اورکوئی غلط فہمی میں نہ رہے تیرے ہاتھ بھی توڑ دیں گے ،جب تک لیڈر باہر نہیں نکلتا ایوان میں بیٹھنے کا سوال ہی پیدا نہیں ہوتا۔ انہوں نے ایوان میں اظہار خیال کرتے ہوئے کہا کہ 9مئی کا بہانہ بنا کر ہم سے بلے کا نشان چھینا گیا، 9 کے معاملے پر لوگوں نے ٹی وی پر کہا کہ میں پارٹی چھوڑ رہا ہوں، تو اس کے سارے گناہ معاف ہوجاتے جیسے یہ پاکستان کسی کی جاگیر ہے، ہمارے پر ایف آئی آراز کاٹی گئیں، 9مئی کا واقعہ ہوتا ہے تو 11مئی کو لوگ پکڑے جاتے ہیں، جیلوں میں ان کو ملنے والوں نے کہا کہ الیکشن میں عمران خان کے پاس بلے کا نشان نہیں ہوگا۔

()

9مئی کو میں نے دو سو مریض ، زخمی اٹھائے لیکن ایف آئی آرز نہیں کاٹی گئی، لیکن ہم سے نشان چھین لیا گیا۔ لیکن جب آزاد ارکان کے نشان کے ساتھ عمران خان کا نام لگا تو ان کو عزت ملی ۔ میں ریاست سے اپیل کرتا ہوں کہ میری یوتھ کو سیاست کرنے دیں، خدا نہ کریں کہ یہ طالبان بن جائیں یا خطرناک بن جائیں۔ مجھے پر ایف آئی آرز کاٹی گئیں، جیل میں نامعلوم لوگوں کی کال آتی تھی کہ جنید کو چادر نہ دو، زمین پر لیٹنے کیلئے بستر نہ دیں، میرا جرم یہ تھا کہ میں عمران خان کے ساتھ کھڑا رہا۔ ہمارے دوستوں کو کہا گیا کہ عمران خان کو چھوڑ دو تو یہ جیل کا دروزا کھل جائے گا، کیا ملک میں کسی کی جاگیر ہے؟ کسی ادارے، جرنیل یا کسی قاضی کو حق نہیں کہ ہمارے فیصلے کرے، میں ان لوگوں کو بتانا چاہتا ہوں جو کہتے عمران خان کا نام لینے والا کوئی نہیں، ہم نے کراس لگایا ہوا ہے۔ ہم وہ کراس مٹا کر آگئے اور تیرے ہاتھ بھی توڑ دیں گے کوئی غلط فہمی میں نہ رہے۔ہم اسمبلی میں قانون سازی کیلئے نہیں آئے ہم اسمبلی نہیں چلنے دیں گے، جب تک لیڈر باہر نہیں نکلتا سوال ہی پیدا نہیں ہوتا کہ ہم ایوان میں بیٹھیں گے، ہم مفاہمت کیلئے نہیں آئے، یہاں آدھے سے زیادہ ہارے ہوئے لوگ آئے ہیں ۔