پی ٹی آئی کی حکومت جائے گی تو میں خیرات کروں گا، وفاقی وزیر اپنی ہی حکومت کے خاتمے کے خواہشمند

38



Live Updates

جماعت اسلامی کے امیر سراج الحق نے وفاقی وزیر سے متعلق انصار عباسی کو کیا بتایا ؟

سمیرا فقیرحسین
منگل نومبر
11:28

پی ٹی آئی کی حکومت جائے گی تو میں خیرات کروں گا، وفاقی وزیر اپنی ہی حکومت ..

اسلام آباد (اُردو پوائنٹ تازہ ترین اخبار۔24 نومبر 2020ء) : سینئیر صحافی انصار عباسی نے جماعت اسلامی کے امیر سراج الحق سے ہوئی ملاقات کا احوال بتا دیا ۔ انہوں نے کہا کہ سراج الحق نے سوات میں ایک جلسہ کیا اور اُس جلسے میں انہوں نے ایک بات کی کہ انہیں وفاقی وزیر ملے جنہوں نے عمران خان کی حکومت کے جانے کی بات کی۔ وہ وفاقی وزیر اپنی حکومت کی کارکردگی سے کافی مایوس تھے اور وہ اس طرح کی بات کر رہے تھے کہ اگر حکومت چلی گئی تو میں خیرات کروں گا۔ یہ بات سُن کر میں نے سراج الحق سے خود بات کرنے کا سوچا۔ انصار عباسی نے کہا کہ سراج الحق کا شمار دیانتدار اور سچے سیاستدانوں میں ہوتا ہے، اسی لیے وہ جو بھی بات کرتے ہیں اُس میں جھوٹ کا عنصر نہیں ہوتا نہ ہی اُس میں کسی قسم کا کوئی شک کیا جا سکتا ہے۔

()

میں ذاتی طور پر بھی یہی سمجھتا ہوں کہ وہ ایک سچے آدمی ہیں۔ انصار عباسی نے کہا کہ میں نے وفاقی وزیر سے متعلق سراج الحق سے دریافت کیا تو انہوں نے بتایا کہ حال ہی میں میری والدہ کا انتقال ہوا، تو وفاقی وزیر تعزیت کے لیے میرے پاس آئے اور انہوں نے کہا کہ اگر حکومت چلی جاتی ہے تو میں خیرات کروں گا۔

وفاقی وزیر نے مجھے بتایا کہ جب پاکستان تحریک انصاف نے الیکشن میں کامیابی حاصل کی تو لوگ تحریک انصاف کے رہنماؤں اور وزرا کو دل اسلوبی سے خوش آمدید کہتے تھے لیکن اب سب کچھ اُلٹ ہو گیا ہے ۔ ہمارے لیے اب لوگوں کا سامنا کرنا مشکل ہو گیا ہے کیونکہ لوگ تنقید کرتے ہیں اور ناگواری کا اظہار کرتے ہیں۔ انہوں نے کہا کہ لوگ اب حکومتی کارکردگی پر سوال اُٹھاتے ہیں۔ انصار عباسی نے کہا کہ میں نے سراج الحق سے اُس وفاقی وزیر کا نام پوچھنے کی کوشش کی لیکن سراج الحق نے وفاقی وزیر کا نام نہیں بتایا جس پر میں نے بھی زیادہ اصرار نہیں کیا۔ انہوں نے مزید کیا کہا آپ بھی دیکھیں:



گلگت بلتستان انتخابات سے متعلق تازہ ترین معلومات

متعلقہ عنوان :



Source link

Credits Urdu Points