()
شہبازشریف نے کہا کہ سیاسی مخالف خواتین کی عزت واحترام کے منافی رویہ اختیار کرنے والوں سے نمٹنا جانتے ہیں، خواتین کو با اختیار بنائیں گے، ان کے حقوق کے تحفظ اور فروغ پر یقین رکھتے ہیں۔ ثوبیہ شاہد نے پارٹی صدر اور نامزد وزیراعظم کی جانب سے حمایت پر شکریہ ادا کیا۔ اس سے قبل پاکستان مسلم لیگ ن خیبرپختونخواہ کے صوبائی صدر امیر مقام نے خیبرپختونخوا اسمبلی میں ہنگامہ آرائی اور مسلم لیگ ن کی ایم پی اے صوبیہ شاہد کو ہراساں کرنے کے واقعہ کی تحقیقات کا مطالبہ کردیا ہے۔امیر مقام کے ہمراہ پارٹی کی خواتین ونگ کی صدر ثوبیہ شاہد ایم پی اے ودیگر نے مشترکہ ہنگامی پریس کانفرنس کرتے ہوئے مزید کہا کہ صوبائی اسمبلی میں دہشت گردی اور غنڈہ گردی کا مظاہرہ کیا گیاجو انتہائی افسوناک بات ہے پورے صوبے کے عوام کی توہین کی گئی، اکثریت کی بنیاد پر مخالفین کو کچلنے کی پالیسی نہیں چلے گی۔ اسمبلی اجلاس کے دوران خواتین کے احترام کو پامال کیا گیا او رشرپسند افراد کو اسمبلی میں بلایاگیا تھا۔ سیاسی معاملات کو دشمنی کا مسئلہ کیوں بناتے ہیں، اپوزیشن کا وجود برداشت نہیں کیا جا رہا، زیادہ لوگوں کے لانے کی تحقیقات اور دہشت گردی کے مقدمات ہونے چاہیے، پورا صوبہ اور عوام کی بدنامی ہوئی،شرقی تھانے میں ایف آئی آر درج کرانے کی درخواست دی ہے۔واقعے کی شفاف انکوائری ہونی چاہیے۔ عددی اکثریت کی بنیاد پر مخالفین کو کچلنے کی پالیسی نہیں چلے گی، اب گالم گلوج کا وطیرہ بدلنا ہوگا، ایف آئی اے کے پاس تحقیقات کیلئے جائیں گے، ویڈیوز دیکھی جائیں ہم بھی تعاون کریں گے، واقعے کے ذمہ داروں کو سزا دی جائے۔
Credits Urdu Points
